Ուսուցում` հանուն երաշխիքային աշխատանքի և աշխատողի
"Ուսուցում` հանուն երաշխիքային աշխատանքի և աշխատողի", Ուսուցման Ազգային Հիմնադրամի 1-ի համաժողով
Սույն թվականի սեպտեմբերի 6-ին "Մարիոթ Արմենիա" հյուրանոցում տեղի ունեցավ Ուսուցման Ազգային Հիմնադրամի /ՈՒԱՀ/ առաջին համաժողովը` "Ուսուցում հանուն երաշխիքային աշխատանքի և աշխատողի" օրակարգով: Ողջույնի խոսքով հանդես եկավ ՀՀ ԿԳ նախարար Ա.Աշոտյանը: Նախարարն իր ելույթում անդրադարձավ մասնագիտական շարունակական կրթության մի շարք խնդիրների: Մասնավորապես նշեց, որ այսօր գործատուն պետք է ևս պատրաստ լինի մասնակցելու կրթական ծրագրերին, որպեսզի նպաստի որակյալ մասնագետներ պատրաստելու կարևորագույն խնդրին: Ըստ նախարարի "Կրթություն ողջ կյանքի ընթացքում" մոդելը պահանջում է երկարաժամկետ ներդրումներ որակյալ և պահանջվող աշխատուժի ձևավորման համար, որը հետագայում կնպաստի ընկերությունների տնտեսական աճին: Ուսուցման Ազգային Հիմնադրամի տնօրեն տիկին Մ.Հակոբյանը ներկայացրեց հիմնադրամի գործունեության ուղղությունները, խնդիրներն ու հնարավորությունները: Քննարկվեցին Հայաստանի աշխատաշուկայի պահանջարկն ու խնդիրները, որոնք պահանջում են մասնագիտական հմտությունների կատարելագործմանն ուղղված լրացուցիչ աջակցություն և օժանդակություն: Առաջարկվեցին նաև Ուսուցման Ազգային Հիմնադրամ ֆինանսական միջոցները համալրելու մեխանիզմներ:
Համաժողովին մասնակցում էին ՀՀ կառավարության ներկայացուցիչներ, սոցիալական գործընկերության կողմեր, գործատուներ, ՀՀ գործատուների միության և առևտրա-արդյունաբերական պալատի ներկայացուցիչներ: "Տանժեռ" ռեքրութինգային ընկերության ներկայացուցիչը նույնպես մասնակցեց համաժողովի աշխատանքին:
