Մեծահասակների կրթության շաբաթ Հայաստանում -2011
Ս/թ հոկտեմբերի 16- 22-ը կկայանա “ Մեծահասակների կրթության շաբաթ Հայաստանում – 2011 " խորագրով միջոցառումներիշարք Երևանում, Իջևանում, Գյումրիում:
Կազմակերպիչներն են “Մեծահասակների կրթություն և ուսումնառություն ողջ կյանքի ընթացքում” (www.mku.am) հասարակական կազմակերպությունը և dvv internationalկազմակերպության մասնաճյուղը Հայաստանում: “Շաբաթվա”համակազմակերպիչներների թվում են ՀՀ Կրթության և գիտության նախարարությունը, British Council և մի շարք այլ կազմակերպություններ: Միջոցառումների հիմնական նպատակն է հասարակության լայն շերտերին իրազեկել ու տարածել ցկյանս կրթության, այդ թվում մեծահասակներիկրթության առկա վիճակի, հիմնախնդիրների ու զարգացման միտումների մասին:
Շաբաթվա միջոցառումներին անմիջականորեն կարող են մասնակցել բոլոր այն ֆիզիկական և իրավաբանական անձինք, ովքեր իրականացնում են`
• վերապատրաստման դասընթացներ,
• վերաորակավորման դասընթացներ,
• որակավորման բարձրացման դասընթացներ,
• նախապատրաստական դասընթացներ,
• մասնագիտական ուսուցում,
• վարպետային ուսուցում,
• արհեստների ուսուցում ,
• ոչ ֆորմալ կրթության այլ դասընթացներ կամ ուսուցում:
Շաբաթը կմեկնարկի հոկտեմբերի 16-ին “Մեծահասակների կրթություն և ցկյանս ուսումնառություն” ցուցահանդեսով BALL ROOM ( BEST WESTERN CONGRESS HOTEL) սրահում , որի մասնակիցները կարող են անվճար տրամադրված տարածքում ցուցադրել իրենց կամ իրենցկազմակերպությունների գործունեության մասին տեղեկատվությունն ու համապատասխան նյութերը, իրականացնել ցուցադրական վարպետաց դասեր: “Տանծեռ” ռեքրութինգային ընկերությունը, որպես “Մեծահասակների կրթություն և ուսումնառություն ողջ կյանքի ընթացքում” հասարակական կազմակերպություն համահիմնադիր, նույնպես մասնակցելու է ցուցահանդեսին և անցկացնելու է անվճար գրանցման ակցիա, բոլոր այն անձանց համար, ովքեր աշխատանքեն որոնում:
Ցուցահանդեսին զուգահեռ PICASSO (BEST WESTERN CONGRESS HOTEL) սրահում տեղի կունենան մի շարք ելույթներ և քննարկումներ, ինչպես նաև“Մեծահասակների կրթություն և ուսումնառություն ողջ կյանքի ընթացքում” (ՄԿևՈՒՈԿԸ) հասարակական կազմակերպության գործունեության մասինպատմող ֆիլմի դիտում:
Մեկօրյա ցուցահանդեսի ավարտին բոլոր մասնակիցները կստանան մասնակցության հավաստագրեր, իսկ լավագույն ճանաչվածները կստանան հատուկմրցանակներ հետևյալ երեք անվանակարգերում`
1. իր գործունեությունը լավագույնս ներկայացնող անհատը կամ կազմակերպությունը,
2. լավագույն վարպետաց դասը,
3. լավագույն ցուցադրությունը:
Ցուցահանդեսին մասնակցելու համար թեկնածուները պետք է ներկայացնեն հայտ
info@mku.am; arcu01@yahoo.com էլեկտրոնային հասցեներով` ուղարկելով հակիրճ ու ամփոփ տեղեկատվություն իրենց կամ իրենց կազմակերպության մասին:
Ցուցահանդեսի մասնակցները կընտրվեն թեկնածուների կողմից ուղարկված հայտերի հիման վրա` միջոցառման կազմակերպիչների` “Մեծահասակներիկրթություն և ուսումնառություն ողջ կյանքի ընթացքում” հասարակական կազմակերպության հանձնաժողովի երաշխավորությամբ:
Ընտրված մասնակիցների ցուցակը պաշտոնապես կհրապարակվի “Մեծահասակների կրթություն և ուսումնառություն ողջ կյանքի ընթացքում” հասարակական կազմակերպության կայքէջում` URL: www.mku.am
