ՆՈՐՈՒԹՅՈՒՆՆԵՐ

Հայաստանի անկախացումից հետո 1.5 մլն. Հայաստանի քաղաքացիներ լքեցին երկիրը: Էմիգրացիան ազգային անվտանգությանը սպառնացող ծավալների հասավ: 

2010-2013 թվականներին Հայաստանը լքեց 300000 - 350000 մարդ, այսինքն՝ տարեկան իր երկիրը լքում էր մոտավորապես 100000 մարդ,որոնց կեսը՝ մշտական բնակության, ընտանիքի հետ միավորվելու համար:

Մենք դարձանք 15 տարեկան: Դա քիչ չէ մեր դժվարին պայմաններում, բայց մենք փորձում ենք լավատես լինել և շարունակել մեր սկսած գործը ի շահ մեր հաճախորդների: 

“Տանժեռ”-ի տարելիցի կապակցությամբ արդեն ամենամյա ավանդույթ դարձած անվճար գրանցման օրեր են հայտարարվում: Փետրվարի 1-15-ը բոլոր նրանք, ովքեր ցանկանում են գտնել աշխատանք կամ փոխել այն, կարող են անվճար գրանցվել մեր ընկերությունում: Մենք սպասում ենք Ձեզ, ընկերնե՛ր:

Սույն թվականի նոյեմբերի 13-ին Կոնգրես հյուրանոցում տեղի ունեցավ կլոր սեղան-քննարկում “Աշխատանքային միգրացիայի դրական և բացասական կողմերը տնտեսության վրա” թեմայով: Կլոր սեղանը կազմակերպել էր Հայաստանի գործատուների հանրապետական միությունը (ՀԳՀՄ)՝ Եվրոպայի անվտանգության և համագործակցության կազմակերպություն (ԵԱՀԿ) երևանյան գրասենյակի աջակցությամբ:

Բացման խոսքով հանդես եկավ ՀԳՀՄ նախագահ Գագիկ Մակարյանը միաժամանակ ներկայացնելով իր նոր գաղափարը՝ այն է ստեղծել պլատֆորմ՝ կապ, բոլոր այն կառույցների հետ, որոնք առնչվում են  միգրացիայի հետ ավելի արդյունավետ դարձնելու նրանց աշխատանքը:

Սույն թվականի նոյեմբերի 13-ին “Էրեբունի Պլազա” բիզնես կենտրոնում կայացավ Հայաստանի գործատուների հանրապետական միության խորհրդի հերթական 5-րդ նիստը, որը նվիրված էր “Աշխատանքի անվտանգության ազգային համակարգի ներդրում” թեմայի քննարկմանը, որը ներկայումս գտնվում է կազմավորման փուլում: Քննարկվում էր կոնկրետ գործողությունների ծրագիրը, որն ուղղված էր վերջնական արդյունքի արդյունավետության ձեռք բերմանը,այսինքն՝  պատահարների  զրոյացում աշխատավայրում:

Այս տարվա հոկտեմբերի 8-ին Երևանում, ՄԱԿ-ի գրասենյակում տեղի ունեցավ կոնֆերանս «Աշխատանքային միգրացիայի հետևանքները» թեմայով, որին հրավիրված էր մասնակցելու նաև մեր ընկերությունը: Կոնֆերանսը կազմակերպել էր Հայաստանի գործատուների հանրապետական միությունը (ՀԳՀՄ):

2015թ.-ի սեպտեմբերի 18-ին «Տանժեռ» ռեքրութինգային ընկերությունը մասնակցեց Նալբանդյան-Հանրապետության փողոցների հարակից զբոսայգում տեղի ունեցած  աշխատանքի տոնավաճառին՝ ներկայացնելով ավելի քան 18 թափուր աշխատատեղ: Տոնավաճառը կազմակերպվել էր «Զբաղվածության պետական ծառայություն» գործակալության կողմից: 

Տոնավաճառի նպատակն էր բարձրացնել զբաղվածության մակարդակը Երևանում՝ համապատասխանեցնելով գործատուների և աշխատանք փնտրողների կարիքները։

Սույն թվականի սեպտեմբերի 9-ին մենք հրավիրված էինք և մասնակցեցինք Հայաստանում ՄԱԿ-ի Զարգացման ծրագրի (ՄԱԶԾ), ՄԱԿ-ի փախստականների հարցերով գերագույն հանձնակատարի (ՄԱԿ ՓԳՀ) ներկայացուցչությունների և Ամերիկայի Հայ Ավետարանչական Ընկերակցության (ԱՀԱԸ) կողմից կազմակերպված «Երիտասարդների առաջխաղացման արահետ» (ԵԱԱ) ծրագրի մեկնարկի հանդիսավոր արարողությանը:  

ՄԱԶԾ-ի ԵԱԱ ծրագրի նպատակն է  բարձրացնել շրջանավարտների մրցունակությունն աշխատաշուկայում՝ իրենց կրթությանը համապատասխանող վճարովի պրակտիկա կազմակերպելու միջոցով:

«Տանժեռ» ռեքրութինգային ընկերությունը Հայաստանում «Ֆրանսիայի իմիգրացիայի և ինտեգրման գրասենյակի» ներկայացուցչության հետ միասին՝ ԵՄ կողմից ֆինանսավորվող «Թիրախային նախաձեռնություն Հայաստանի համար» ծրագրի շրջանակներում իրականացրեց նախագիծ, որի հիմնական նպատակը վերադարձած միգրանտների ինտեգրումն է հայկական աշխատաշուկա: 

Հիմնվելով աշխատաշուկայի պահանջների և միգրանտների կարողությունների վրա՝ «Տանժեռ» ռեքրութինգային ընկերությունը հայրենիք վերադարձած 16 միգրանտների համար կազմակերպեց 3-4 ամիս տևողությամբ մասնագիտական ուսուցման և վերաորակավորման դասընթացներ տարբեր ոլորտներում՝ բիզնես, մարքեթինգ, ծրագրավորում, հաշվապահություն, կար ու ձև, վարսավիրություն և այլն: 

Ինչպես և նախորդ տարիներին, այս տարի ևս «Տանժեռ» ռեքրութինգային ընկերության ներկայացուցիչը՝ Աննա Ղամբարյանը, «Համագործակցություն ԲՈւՀ-երի հետ» ծրագրի շրջանակներում հանդիպեց Երևանի Վ. Բրյուսովի անվան պետական լեզվաբանական համալսարանի, Մոսկվայի տնտեսագիտության, վիճակագրության և ինֆորմատիկայի պետական համալսարանի երևանյան մասնաճյուղի, Երևանի թեթև արդյունաբերության պետական քոլեջի,  Երևանի ինֆորմատիկայի պետական քոլեջի և Երևանի Մեհրաբյանի անվան բժշկական ինստիտուտի բազային քոլեջի շրջանավարտների հետ: