Հանդիպում USAID նախագծի աշխատակիցների հետ
2012 թ. հունիսի 28-ին “Տանժեռ” ընկերություն են այցելել մասնավոր զբաղվածության կենտրոնների համար իրականացվող USAID ծրագրի շրջանակներում “Ձեռնարկությունների զարգացում և շուկայի մրցունակություն” նախագծի խմբի ղեկավարի տեղակալ Տիգրան Տանանյանը և միջազգային փորձագետ ու խորհրդատու Ֆիլիպ Հերսթը: Հյուրերին հետաքրքրում էին մի շարք հարցեր կապված աշխատանքի շուկայի, ընկերության աշխատանքի, նրա կարիքների, ինչպես նաև տեղեկություններ գործատուների և աշխատանք փնտրողների, Հայաստանում գործող մասնավոր աշխատանքի տեղավորման գործակալությունների արհեստավարժության մակարդակի վերաբերյալ և այլ հարցեր:
Ավելի վաղ` նույն ծրագրի շրջանակներում, “Տանժեռ” ընկերություն են այցելել խմբի ղեկավար Կրասեն Ստանչևը և այլ աշխատակիցներ: Հանդիպման ընթացքում քննարկվել էին մի շարք հարցեր` մասնավորապես արհեստավարժ ուսուցումների անհրաժեշտությունը մասնավոր զբաղվածության գործակալությունների աշխատակիցների մասնակցությամբ: Դրա հիման վրա, ինչպես նաև “Տանժեռ” ընկերության առաջարկով, արդեն հուլիս ամսվա վերջին անց կկացվեն ուսուցումներ, որոնք կվարի պրն. Հերսթը, որն ունի ուսուցման մեծ փորձ վաճառքի ոլորտում` տարբեր երկրներում հենց մասնավոր զբաղվածության կենտրոնների հետ:
