Սոցիալական գործընկերության 3-րդ ազգային կոնֆերանս
2012 թ. հոկտեմբերի 4-ին տեղի ունեցավ Սոցիալական գործընկերության 3-րդ ազգային կոնֆերանսը` "Սոցիալական երկխոսություն մարզերում և մարզերի զարգացում" օրակարգով, որը կազմակերպվել էր Հայաստանի գործատուների հանրապետական միության կողմից: Կոնֆերանսը նվիրված էր սոցիալական երկխոսությանը , տարածքային զարգացման հիմնախնդիրների կարգավորմանը, ինչպես նաև սոցիալական համագործակցության դերին փոքր և միջին բիզնեսի զարգացման գործում:
Միջազգային կազմակերպության ներկայացուցիչները նշեցին, որ շարունակական համագործակցության պարագայում սոցիալական գործընկերության ինստիտուտը կարող է արդյունավետ գործիք դառնալ երկրի տնտեսական և սոցիալական զարգացման գործընթացում:
Սոցիալական գործընկերության 3-րդ ազգային կոնֆերանսի մասնակիցներն էին ՀՀ Էկոնոմիկայի նախարարի տեղակալ Արա Պետրոսյանը, ՀՀ Տարածքային կառավարման նախարարի տեղակալ Արտաշես Բախշյանը, Ֆրիդրիխ Էբերտ հիմնադրամի, ՄԱԿ-ի, Հայաստանի Արհմիությունների Կոնֆեդերացիայի, Աշխատանքի միջազգային կազմակերպության, ինչպես նաեւ միջազգային այլ հեղինակավոր կազմակերպությունների, տեղական և արտասահմանյան, պետական եւ ոչ պետական կառույցների ներկայացուցիչներ, փորձագետներ: Կոնֆեռանսի աշխատանքին մասնակցեց նաև "Տանժեռ" ռեքրութինգային ընկերության տնօրեն, Հայաստանի գործատուների Հանրապետական միության մասնավոր զբաղվածության ընկերությունների ճյուղային միության նախագահ` Նանա Հերունին: