Հանդիպում սիրիահայերի հետ ՄԱԿ-ի գրասենյակում
2013թ-ի նոյեմբերի 23-ին ՄԱԿ-ի հայաստանյան գրասենյակում տեղի ունեցավ ուսուցում “աշխատանք փնտրելու վերաբերյալ դասընթաց” թեմայով, որը կազմակերպվել էր ՄԱԿ-ի ՓԳՀ գրասենյակի կողմից թիրախային խումբ հանդիսացող սիրիահայերի համար:
Դասընթացի ընթացքում խոսվեց այն մասին, թե ինչպես և ինչպիսի տեսքով ներկայանալ գործատուին,ինչ խոսել գործատուի հետ հարցազրույցի ժամանակ, ինչպես ընդգծել սեփական անձի առավելությունները և այլն: Դասընթացի վերջում կազմակերպվեց դերային խաղ՝հարցազրույց աշխատանք փնտրողի և գործատուի միջև, որի ընթացքում սիրիահայերը ներկայացնում էին աշխատանք փնտրողներին, իսկ խոսնակները՝ գործատուներին:
Հանդիպմանը հրավիրված էր և դասընթացին մասնակցեց որպես խոսնակ հանդես գալով “Տանժեռ” ռեքրութինգային ընկերության ներկայացուցիչ, կորպորատիվ վաճառքի մենեջեր Աննա Ղամբարյանը: Նա ներկայացրեց “Տանժեռ” ռեքրութինգային ընկերությունը, ընկերության դերն ու ներդրումները սիրիահայերի զբաղվածության խթանման հարցում, խոսեց աշխատաշուկայում առկա խնդիրների և աշխատանք գտնելու դժվարությունների, ինչպես նաև սիրիահայերի այն առավելությունների մասին, որոնք հարցազրույցի ժամանակ պետք է ընդգծվեն և թույլ կողմերի մասին, որոնք պետք է շրջանցվեն:
